自從 領匯 旗下 厚德街市 及 景林街市 分別火災後，新都城中心二期 的街市就多了很多人，好似回到細佬仔時期的 雞寮街市咁多人，人迫迫，無人得閒理你，但一出聲就有齊你要既野比你，睇黎 新都城中心二期 街市都會有一、二個月旺，今日特別行遠 d 去 寶琳街市 買餸，想睇下會唔會又係咁多人啦；點知行到去 寶琳村 村口就見到幾間舖都大字標題「約滿清貨」，寶琳街市 不單人少，價錢又貴貨品卻係劣質貨喎；照咁睇 寶琳街市 租戶唔使火燒都會執笠比返 領匯。
以後仲有無平、靚、正既街市呢？係 中國 或 歐洲 的大城市都會有些平價市集，給一般市民買食物及日用品，香港都算係大城市呀，咁解會咁特別鍾意摺哂 d 屋村街市架？一定要人幫襯超市？
七十年代街市係露天的空間比較多，現代的街市地方實在又細又不見天，人情味依然很濃厚；超市就無人情味囉，d員工只係做野唔會同你傾計、八卦，又唔會枰多 d 比你或者收你平 d，仲要排半個鐘先可以拍 咭，真係「囉呢煎」；唔知遲下會唔會有「自助超市」連收銀都的崗位都唔要呢？
其實超市真係有須要咁多嗎？街市又有必要執哂佢嗎？究竟乜野先係先進城市？歐洲可以新舊並存，香港......可以嗎？
