2007年9月26日星期三
天氣：將軍澳落大雨，西貢出毒太陽，氣溫約 30度。
天氣：將軍澳落大雨，西貢出毒太陽，氣溫約 30度。
目標：麥徑2-5段，day with light over 12hrs
07:30 「吉哥」開車出發，去西貢碼頭接 TC 再到 BBQ 迴旋處接表哥，入到東霸「吉哥」仲幫我們影完相先走，真好人呢。
08:40 一行四人禱告完後，正式出發，09:00 經過浪茄無水的水龍頭，09:14 到了西灣 1號亭，09:46 就到了西灣 2號亭(M025, 314M)，哂都可以接受，水就飲多左，只係「無風」就真係焗住、焗住咁囉！
10:28 行到吹同坳涼亭，之後落西灣村，感覺上比前日快速，可能是膽大點、衝快點的關係；10:42 到西灣村，飲完罐可樂已經想行，但表哥已經叫左個好耐都未到的蛋牛麵......後來仲自動變身成為蛋牛米，真係奇聞，在等候期間 Mr.Lam & TC 已經將豆腐花、腿蛋麵下肚......11:16 向大浪村出發；太陽繼續哂，仲要無雲......一路上睇境的睇境、影相的影相，只有我不停行(因為我行得最慢)。
12:03 到大浪村，已經要加 1.5L水，食個 飯團 回復體力，12:14 向大浪坳出發，12:35 到達大浪坳，又玩衝斜路，不過今次要避上斜的人，回氣就慢了；這裡我是最快衝完一個，之後步行又開始落後於他們了，TC好體貼地負了我 2L水，使我行得更快。
13:35 到北潭凹公厕，對比前日的時間慢了兩個鍾，就知太陽伯伯的利害；因右腳在前日行完後有水泡，今日要扎住才能行，所以要換紗布，才能行第3段。
13:57 出發行第3段M049，一路無話可說，只有「受」猛太陽強烈的撫摸，水份太量散失，14:57 才到M052，方有機會開傘頂一頂；15:30 行到嶂上「許林記士多」，途中更係不免地比人過頭啦......不過....過我們頭的都在「許林記士多」等我們，在這裡入了 1.5L水，五花茶及吃了最後的飯團，15:47 向雞公山進發，一路都是慢行，落山又玩「拗柴」今次係左腳，幸好係小「拗柴」仍然可行，但體力卻不斷下降，最弱的地方首先出事，雙腳腳踝拉扯得很緊，開始怕上山，第一次望山怕上山。
在 M61-62 之間，到雞公山前我自動投降，經弟兄們商量後17:05轉走榕樹澳，不用上山，17:55 到達榕樹澳行車路，召喚「綠的」19:15回西貢碼頭再轉101M綠小巴回家，在家中照鏡方發現有 2個很深的眼裝，這表示過勞了。
總結：因前天已經透支而不覺，未復原又再透支(未供完層現樓又加按真係有危險架)，這次能安全回到榕樹澳已經是神的恩典；回家後由 23:00睡至 12:00中午；因要出外開會，吃完「麥記」過海再吃「生記」才感覺體力回來。下次長征一定要養足精神，毅行操練真係幸苦過人。
後記：聽聞有些隊伍仍未開始操山，不知是我等弱雞？
還是人家看輕這100Km呢？
還是人家看輕這100Km呢？
